5 mánaða gutti

Já maður er sko orðinn 5 mánaða gutti. Ég var svo heppinn að hafa ömmu hjá mér alla helgina og rúmlega það. Hún var voðalega góð við mig og ég við hana. Mér finnst svo gaman þegar ömmur mínar og afar koma í heimsókn. Í dag var ég t.d. orðinn mjög þreyttur og pirraður þegar afi Þór kom í heimsókn með ömmu og þá brosti ég bara út að eyrum og gleymdi því alveg að ég væri þreyttur.
Núna finnst mér hundleiðinlegt að liggja á gólfinu, það er svo fúlt að komast hvorki áfram né aftur á bak, ég snýst bara í hringi á maganum og svo inn á milli velti ég mér yfir á bak eða maga.
Ég er líka mikið að æfa raddböndin og fallegu röddina mína. Ég segi t.d. mamamamama, papapapapapa, afaafaafaafaafa, ammammamm, aaahhhhhhhhh (öskra það) og margt fleira.
Ég fór á kaffihús með vinum mínum sem eiga mömmur sem vinna með mömmu á mánudaginn og öskraði svo mikið (ég var sko bara að tala, en mér liggur svolítið hátt rómur eins og pabba og Valla frænda) að ég hræddi eina vinkonu mína svo mikið að hún fór að gráta undan mér, amk tvisvar. Mamma var nú ekki alveg ánægð með þessi læti í mér en getur lítið gert við því þar sem ég er bara 5 mánaða og skil ekkert hvað hún segir.
Pabbi er svo kominn í feðraorlof núna næstu 2 mánuði. Mamma er að fara vinna á mánudaginn og er orðinn voðalega spennt þótt henni langi ekkert til að vera svona lengi í burtu frá mér í einu, en það hlýtur að venjast.